escrouë

Escrouë, f. penacut. ou Escroë, Est en tous instruments ausquels y a vis, la piece de bois où est le trou dans lequel la vis tourne en montant et descendant. Ainsi dit on, l'escrouë d'un pressoir, et escrouë de clouds faits en façon de vis qui arreste par le bout de dedans lesdits clouds, qu'on ne les puisse arracher. Escrouë aussi se prend pour le registre d'un geolier ou il note par nom et surnom, jour, mois et an, l'entrée et yssue des prisonniers, qui luy sont amenez en la geole, Commentariensis, Diarium, Ephemeris. En fait de comptables et finances elle est de cette forme, Baillez escrouë à tel commis à recevoir l'aide nouvellement ottroyée au Roy nostre Sire au païs d'Anjou de la somme de tant, sur ce qu'il peut et pourra debvoir à cause de sa recepte; par M. de Bourbon. Escrit, etc. qui est autant que rescription de descharge et acquit. Ce mot peut estre tiré de {{t=g}}ékkrouô,{{/t}} qui signifie Expello. Car par l'escrouë financiere ou met hors de la recepte de celuy sur lequel escrouë est faite, et le descharge-on d'autant de somme qui est yssue de sadite recepte, comme le Geolier par l'escrouë de l'yssue du prisonnier qu'il avoit receu en sa garde, est deschargé dudit prisonnier.

Thresor de la langue françoyse. Jean Nicot.